Dy punonjës policie kanë rezultuar të prekur nga Covid-19. Nga të dhënat e para mësohet se një nga efektivët është pjesë e skuadrës Shqiponja në Komisariatin e Policisë Elbasan, ndërsa tjetri është efektiv i policisë rrugore në Gramsh.
Raportohet se dy punonjësit e policisë janë karantinuar në banesat e tyre, ndërsa pritet që testimet të shtrihen në dy komisariatet ku ato janë pjesë.
Mësohet se gjendja e tyre shëndetësore është e stabilizuar, ndërkohë që nuk dihet nëse ato janë kontakte të rasteve të mëparshme, apo mund të konsiderohen si vatra të reja.
