Faik dhe Shkëlzen Buçi, bab e bir, që akuzohen për organizimin dhe vrasjen e Eglantina Bucit, krim i ndodhur në vitin 2012, janë njohur me masën e sigurisë, arrest me burg lidhur me ngjarjen e rëndë. Shkëlzen Buci ndodhet në burg për një tjetër krim, ndërkohë që edhe Faik Buci do të qëndrojë në burg.
Ata kanë mohuar përfshirjen e tyre në krimin e rëndë, ndërsa avokati i dy të akuzuarve, tha se provat e paraqituara nga Prokuroria janë të errëta.
Sipas avokatit, të akuzuarit nuk kanv pasur raporte normale me viktimën, pasi ajo ka qenë e fejuar dhe jetonte në një tjetër banesë.
“Eglantina nuk ka pasur kontakte me Faikun, nuk banonte në shtëpinë e tij. Kontaktin e fundit me viktimën, Faiku e ka pasur në 2009”, tha avokati.
