Maqedonia e Veriut ka fituar 2-1 në përballjen ndaj Armenisë e vlefshme për Ligën e Kombeve.
Vendasit triumfuan falë dy 11-metërshave të fituar nga Elmas, të cilat u konkretizuan më pas në gola.
Fillimisht shënoi Ezgjan Alioski, atëherë kur luhej vetëm minuta e 4’ e ndeshjes, për rezultatin 1:0. Goli i dytë erdhi nga Nestorovski, i cili po ashtu shënoi nga penalltia, për golin që i dhuroi 3 pikë ekipit maqedonas.
Në fund të ndeshjes në minutën e 94’, Armenia shënoi golin e vetëm duke ngushtuar rezultatin në 2-1.
Maqedonia e nis mbarë kompeticionin pasi ndodhen në një grup së bashku me Armeninë, Estoninë dhe Gjeorgjinë.
