Trajneri i Kosovës, Bernard Challandes, ka ftuar në përfaqësuese mesfushorin e Partizanit, Rron Broja. Kjo lëvizje ka ardhur menjëherë pas barazimit 1-1 mbrëmjen e djeshme të “Dardanëve” kundër Moldavisë.
Mungesat e rëndësishme dhe mungesa e alternativave në mesfushë kanë bërë që trajneri Challandes të hedhë sytë nga Superiorja.
Sezoni i mirë i shtatlartit me Partizanin kanë bindur teknikun e Kosovës ta grumbullojë për ndeshjen e radhës kundër Greqisë.
Prej ditës së sotme, Broja do të lërë grumbullimin me të kuqtë në Ohër për t’u nisur drejt Kosovës. Të dielën, në orën 20:45 do të luhet ndeshja e Dardanëve, të cilët do të presin në stadiumin e Prishtinës përfaqësuesen e Greqisë.
