Kryeministri Edi Rama ishte në Presidencë këtë të Premte, në takimin e thirrur nga kreu i shtetit për datën e zgjedhjeve.
Burimet nga Presidenca bëjnë me dije se Rama i është shprehur Presidentit se ishte gati për zgjedhje në çdo datë, përveç 2 Majit që janë Pashket Ortodokse.
Takimi nuk zgjati shumë vetëm disa minuta dhe Rama u largua sërish pa dhënë asnjë prononcim për mediat.
Kryeministri Edi Rama mbërriti në presidence i shoqëruar nga Taulant Balla, kreu i grupit parlamentar socialist.
Sipas Kushtetutës, periudhë e mbajtjes së zgjedhjeve është periudha 15 Prill-15 Maj. Partitë e vogla opozitare kanë kërkuar që zgjedhjet të mbahen në periudhën më të afërt që lejon Kushtetuta. E në këtë rast është data 18 Prill, e Diela më e afërt pas 15 Prillit.
https://www.facebook.com/ilirmetazyrtar/videos/596448507661212/
