Situata aktuale me pandeminë e koronavirusit në Greqi është “kritike” por “e menaxhueshme”, tha Charalambos Gogos, një specialist i sëmundjeve infektive dhe anëtar i Komitetit të Ekspertëve Covid-19.
Duke folur në konferencën e së Premtes për koronavirusin, ai tha se Greqia po ndjek trendin rritës të vëzhguar në shumicën e vendeve dhe theksoi nevojën për të kufizuar përhapjen përmes diagnostikimit dhe trajtimit të hershëm, si dhe gjurmimit efektiv.
Gogos tha se autoritetet shëndetësore kanë regjistruar 841 raste të importuara të virusit në një total prej 6,320 infeksionesh të reja nga fillimi i gushtit deri të premten, duke theksuar se 30% e tyre janë asimptomatike, ndërsa 66% vijnë nga kontakti me një rast të konfirmuar.
Rastet e reja kanë të bëjnë me heqjen e masave kufizuese në fillim të verës dhe relaksimin në sjelljen e njerëzve, shtoi ai.
