Kanye West i është rikthyer temës që gati i dha fund martesës së tij me Kim Kardashian. Pak kohë më parë reperi tregoi publikisht se si ylli i televizioneve kishte dashur të abortonte fëmijën e tyre të parë, vajzën North.
43-vjeçari në një intervistë për Nick Cannon në podcastin e tij “Cannon’s Class”, tha që 7-vjeçarja “mund të mos kishte arritur kurrë këtu”, nëse Kim Kardashian do të kishte vendosur të kalonte me një procedurë aborti.
Kanye West tronditi fansat kur foli për momentin kur bashkëshortja e tij kishte pilulat në dorë. Kim Kardashian mohoi të ketë patur diskutime në lidhje me një çështje të tillë më parë.
Reperi së fundmi ka folur për dilemën e frikshme që ylli 39-vjeçar i “Keeping Up With The Kardashians” kishte në atë kohë. Ai pranoi se edhe babai i tij kishte dashur që ta abortonte Kanye West dhe për këtë arsye e kishte vuajtur shumë momentin kur kishte parë Kim Kardashian me pilulat në dorë.
Nëse nuk do të ishte vullneti i nënës së tij, reperi nuk do të ishte këtu sot.
Reperi vazhdoi: “Kur fola me babain tim, ai më bëri të kërkoj falje për që fola publikisht për këtë. Ai gjithashtu tha se kultura e abortit u mëson njerëzve se një fëmijë nuk është një shpirt i vërtetë”. Gruaja ime tha: ‘Ky është një shpirt’. Dhe gjëja më e frikshme është se ajo kishte marrë pilula. Ju i merrni këto pilula dhe mëngjesin tjetër fëmija është zhdukur. Ajo kishte pilula në dorën e saj “.
Është raportuar se pilulat për të cilat fliste Kanye West kishin të bënin me një abort me ilaçe, të cilat nuk i gjen kudo.
