Sektorët më të goditur në apektin ekonomik nga pandemia e Covid-19 janë fasonët dhe turizmi. Kjo u bë e ditur nga ministrja e Financave dhe Ekonomisë, Anila Denaj.
Ministrja tha se janë 87 mijë persona që kanë ngelur pa punë gjatë pandemisë së koronavirusit, duke theksuar se ka nisur punësimi i tyre.
Ajo deklaroi se përtej nxitjes dhe mbështetjes financiare, qeveria stimulon edhe punësimin në sektorë të tjerë më pak të goditur.
“Sektorët më të goditur janë ata të fasonësve. Por kjo jo vetëm prej pandemisë. Ndërsa turizmi u godit për shkak se nuk jemi në një vit të zakonshëm. Në këto situata përtej nxitjes, qeveria stimulon punësimin në sektorë të tjerë.
Sektori i turizmit kishte synim të mundësonte punësim për të paktën 4 muaj. Asnjë biznes nuk ka mundësi të akomodojë të gjithë planet e biznesit për 6 muaj’, tha Denaj.
