Nga Klodian Tomorri
Denoncimi i PD-se sot për transaksionet mes një kompanie private dhe një grupi mediatik ka disa fakte interesante.
Se pari, nje kompani që nuk ben fare pune private, por faturon vetëm nga tenderat e qeverise, paguan 1 miliarde leke reklamë për një vit e gjysme vetem tek nje media. Pyetja e pare që lind është, per cfare i duhet nje kompanie që ka klient vetem shtetin të paguaje 1 miliarde leke reklame? Reklame ben nje kompani qe kerkon treg ose prezanton produkte te reja, jo një biznes, i cili i shet vetem qeverise. Pra kjo është indicia e pare për transaksione të dyshimta ose perfitues fundorë të fshehur.
Se dyti, më parë, vete kompania, si reagim ndaj akuzave te PD-se, ka deklaruar se që nga nentori i vitit të kaluar e deri tani, ka fituar vetem 1.5 miliarde leke tendera gjithsej. Kjo do të thote se mbi 65 për qind e totalit të të ardhurave që ka arkëtuar kompania, kane shkuar për reklame vetem në një grup mediatik. Sipas faturave të bera publike nga PD, shifra ishte gati 1 miliardë lekë nga shtatori 2019 deri ne Mars 2020.
Tani, se sa shpenzon një kompani private për reklame është pune e saj. Se ku i shpenzon paratë është prape pune e saj. Se sa tendera fiton, prape është merite e saj per sa kohe tenderat jane te ligjshem. Por, pyetja që lind ketu është, sa e kane normen e fitimit tenderat e AKSHI-t, që një kompani, e cila ben biznes vetem me AKSHI-n, arrin të shpenzoje 70 per qind të faturimeve vjetore për reklame?
Llogaria ketu është e thjeshte. Tenderat e AKSHI-t jane një gropë e madhe e felliqur që tret paratë publike, here me procedura sekrete dhe here me procedura formalisht të hapura. Nuk ka shpjegim tjetër. Dhe AKSHI tenderon mbi 100 milione euro ne vit, ndaj kjo gropa duhet mbyllur urgjentisht.
