Agjencia Suedeze e Shëndetit Publik ka njoftuar se shumë pajisje testimi COVID-19 të marra nga Kina kanë dalë pozitive false gjatë kontrollit rutinë.
Siç raporton Reuters, sipas autoriteteve sueseze, këto komplete të prodhuara në Kinë janë bërë enkas për të dalë pozitive të rreme dhe për fat të keq ato janë shpërndarë në shume vendet rreth botës.
Rreth 3,700 njerëzve në Suedi iu tha gabimisht se kishin koronavirus për shkak të një “të mete” në një çantë testimi COVID-19 nga Kina.
Paketa BGI Genomics dështoi të bënte dallimin midis niveleve shumë të ulta të virusit dhe një rezultati negativ, tha agjencia e shëndetit publik. BGI Genomics është një nga dy filialet në listën e zezë ekonomike të SHBA për shkak të implikimeve të shkeljeve të të drejtave të njeriut.
Paketa e provës u eksportua gjerësisht në vendet e tjera të botës mirëpo ende nuk është bërë e ditur se në cilat.
Ekspertët besojnë se megjithëse pozitivët e rremë u zbuluan, ato sërish “ndikojnë në statistikat e infeksionit”.
Suedia aktualisht po përjeton një normë të ulët infeksioni falë qasjes së saj të ‘imunitetit të tufës’. Sipas ‘Market Watch’, numri i Suedisë është më i ulët se shumë vende evropiane.
Të dhënat nga Qendra Evropiane për Parandalimin dhe Kontrollin e Sëmundjeve tregojnë se Suedia ka një normë infeksioni dyjavore prej 37 rastesh për 100,000 njerëz. Kjo është shumë më e ulët se Franca, me 60 raste për 100,000 dhe Spanja me 152.7 raste për 100,000.
