Një rast i paprecedent ndodhi këtë të diel me një person i cili ishte identifikuar me covid-19 dhe udhëtonte drejt Greqisë në të njëjtin autobus me pasagjerë të tjerë. Personi në fjalë e dinte se ishte pozitiv dhe nuk bëri ansjë përpjekje për t’u karantinuar, apo njoftuar autoritetet. Ai udhëtoi drejt Greqisë duke rrezikuar edhe shëndetin e dhjetëra pasagjerëve që udhëtonin me të.
Por papërgjegjshmëria është edhe tek pala shqiptare në Kakavijë. Ata nuk kanë pikasur asgjë nga dokumenti që personi në fjalë kishte marrë nga një klinikë private në Tiranë dh eku ishte e shënuar se ai ishte pozitiv. Kalon nga pala shqiptare, por ndalohet nga pala greke, e cila e ka kthyer mbrapsht.
Por ajo që duhet të theksojmë është fakti se personi me emrin Gjovalin në bazë të ndryshimeve të fundit të Kodit Penal që u bënë të detyrueshme pas shpërthimit të pandemisë me qëllim parandalimin e saj, rrezikon të përgjigjet penalisht. Pas botimit në fletoren zyrtare, më 23 prill, ndryshimet ligjore në Kodin Penal, që parashikojnë dënim me burg për personat që nuk respektojnë karantinimin në kohë pandemie, gjejnë zbatim në terren.
Ajo që bie në sy është se te gjitha masat administrative apo gjobat do të duheshin të aplikoheshin nga policia apo postblloqet e kontrollit në terren.
Dy nenet të cilat janë shtuar janë ato të karantinimit apo dhe përhapjes me dashje të COVID-19. Sipas ndryshimeve, çdo person që nuk zbaton urdhrat për karantinimin apo shkel rregullat dënohet me burgim nga 2 (dy) deri në 3 (tre) vjet.
Ndërkohë, përhapja me dashje e COVID-9 dënohet nga 2 deri në 5 vite. Dënimi është më rëndë deri në 8 vite kur përhapja me dashje e virusit shkakton pasoja të rënda për shëndetin ose është rrezikshme për jetën e njerëzve.
Sipas ligjvënësve nëse një person më parë është gjobitur dhe sërish shkel rregullat e vendosura nga shteti në gjendjen e pandemisë atëherë veprimet e tij do të konsiderohen si kundërvajtje dhe dënohen me gjobë deri në 6 muaj heqje lirie.
Kur nuk respektohen kushtet nga aktivitete tregtare të cilat vendosin në rrezik shëndetin e njerëzve atëherë dënohen me gjobë deri në dy vite burgim.
