Ish-kryeministri Sali Berisha ka publikuar në FB foto të disa parcelave me kanabis. Sipas ish-kryeministrit, forografitë janë shkrepur në fshatin Cudhi në Krujë. Berisha zbulon se imazhet i janë dërguar nga një qytetar, bashkë me një mesazh, ku denoncohet mosveprimi i policisë.
“Parcelat e droges vetem te militanteve te narkopartise – Urdheri i Edvin Droges dhe Gjeneral Hashashit”, shkruan Berisha krahas fotove, ndërsa publikon dhe mesazhin e ardhur në adresë të tij.
“Jemi disa banore nga qendra administrative Cudhi. Duam te ngrejme nje shqetesim te madh qe po kanosen, banoret e thjeshte te zones jane ne mbikqyrje te rrepte nga shefat e partise ne bashkepunim me pushtetaret vendas te cilet kanë fletoren e listes duke seleksionuar sipas urdherit nga larte personat dhe sipas bindjeve politike u lihen ose u priten parcelet. Ndryshimi eshte se plantacionet e pushtetareve nuk preken, qellimi i tyre eshte asgjesimi i njerezve qe mendojnë ndryshe duke u pregaditur terrenin per ti penalizuar ligjerisht para zgjedhjeve te ardhshme. E gjithe zona eshte ne mbikqyrje te rrepte për shkak te situates se tensionuar pasi mund te ndodhin te papritura me konfrontim dhe perplasje civile midis banoreve te thjeshte dhe miklitantve te privilegjuar te partise”, lexohet në mesazh.
