Drejtori i përgjithshëm i Entit Kombëtar të Banesave, i cili ka qenë dhe ministër i Brendshëm gjatë qeverisë Nano, Stefan Çipa, ka fituar ditën e sotme betejën me koronavirusin.
Çipa pasi infektimit me Covid-19 dhe karantinës 14 ditore, rezultuar negative në testin e fundit të kryer.
Kujtojmë që situata në vendin tonë nga pandemia e koronavirusit vijon të jetë shqetësuese, ku numri i rasteve të reja pozitive mbetet relativisht i lartë. Një shtim të lehtë ka pasur gjithashtu numri I personave të shtruar në spitalet Covid ku vetëm gjatë ditës së djeshme u deklaruan 18 persona në terapi intensive dhe 8 prej tyre të intubuar.
Pasditen e djeshme Ministria e Shëndetësisë njoftoi se gjatë 24 orëve të fundit e kishin humbur jetën nga Covid 5 persona, ndërsa u shënuan 112 raste të reja.
