Me shumë mundësi sezoni i gripit do ta përkeqësojë akoma më shumë situatën e krijuar nga pandemia. Deri më tani në SHBA 180,000 persona kanë humbur jetën si pasojë e virusit, ndërsa gripi vret rreth 12,000 deri në 61,000 njerëz çdo vit.
Kjo është arsyeja pse është e rëndësishme të kuptojmë ndryshmet midis simptomave të gripit dhe Covid-19.
Viruse të ndryshëm kanë simptoma jashtëzakonisht të ngjashme, duke e bërë të vështirë për pacientët dhe mjekët të njohin ndryshimin.
Edhe pse simptomat e gripit dhe Covid-19 janë shumë të ngjashme, një studim ka treguar se rendi me të cilin ato shfaqen , është një ndihmesë e madhe që ne të kuptojmë se kujt virus i përkasin ato.
Studiuesit analizuan të dhënat e OBSH-së, për 56,000 pacientë me Covid-19 dhe arritën në përfundimin se renditja e shfaqjes së simptomave të Covid-19 ndryshon me ato të gripit.
Simptomat e Covid-19
Studimi zbuloi se Covid-19, në shumicën e rasteve simptomën e parë që shfaq janë ethet, pastaj mund të përparojë me kollë dhe në fund të vjella dhe diarre.
Ethet
Simptoma e parë dhe më e zakonshmja që është shfaqur pothuajse te të gjithë personat e infektuar. Sipas OBSH-së rreth 87.9% e pacientëve si fillim kanë pasur ethe të shkallës së ulët dhe me kalimin e kohës ato janë përkeqësuar.
Radha e shfaqjes së simptomave, bën dallimin mes gripit dhe
Kollë
Në studimin e bërë, kolla ishte simptoma e dytë që shfaqet zakonisht te personat e infektuar me Covid-19. Sipas OBSH-së rreth 67.7 e pacientëve kanë shfaqur kollën si simptomën e dytë. Kjo kollë zakonisht te pacientët është e thatë.
Dhimbje fyti, dhimbje trupi dhe dhimbje koke.
Në studimin e Frontiers, këto simptoma shfaqen në shumicën e rasteve pas edheve dhe kollës, por në përgjithësi janë të rralla tek pacientët e infektuar.
Sipas OBSH-së vetëm 14% e pacientëve i shfaqin këto simptoma.
Të vjella
Jo shumë pacientë me Covid-19 kanë të vjella, por nëse kjo simptomë shfaqet, zakonisht ndodh pas edheve dhe kollës dhe para diarresë.
Diarre
Diarreja është një tjetër simptomë më pak e zakonshme te personat e infektuar, por ka tendencën të shfaqet e fundit.
Humbja e shijes dhe nuhatjes
Kjo simptomë shfaqet te rreth 65 deri 80% e personave të infektuar, por kjo nuk ka mundësi të ndodhë me gripin.
Simptomat e gripit
Radha e shfaqjes së simptomave, bën dallimin mes gripit dhe
Studiuesit vënë re se simptomat e gripit dhe Covid-19 janë të njëjtat, por rendi i dy simptomave të para ndryshon.
Një kollë ka më shumë mundësi të shfaqet te një person me grip përpara etheve, ndryshe siç ndodh me Covid.
Kollë
Simptomat e gripit, veçanërisht kolla, kanë mundësi të shfaqen në mënyrë të papritur, brenda një deri në katër ditë të infektimit. Me Covid kolla dhe simptoma të tjera shfaqen pas 14 ditësh.
Ethe
Edhet e gripit janë të rënda dhe largohen zakonisht pas tre deri në shtatë ditë, ndërsa kolla mund të zgjasë deri në dy javë.
Gjithashtu, dhimbjet e kokës janë më të zakonshme kur je me gripin sesa me Covid-19.
Të vjella dhe diarre
Fëmijët kanë më shumë mundësi se të rriturit që të kenë të vjella dhe diarre nga gripi. Ndërsa bllokimi i hundëve dhe teshtitja janë më të zakonshme kur jeni me grip sesa me Covid.
Si të parandaloni gripin
Bërja e një vaksine kundër gripit është një mundësi shumë e mirë për të parandaluar infektimin serioz të gripit.
Vaksina e gripit mund të sigurojë mbrojtje të shtuar, sepse sistemi imunitar është i përgatitur. Personat që janë kanë bërë vaksinën e gripit kanë më shumë mundësi që të kalojnë më lehtë Covid-19.
Si të parandaloni Covid-19
Nuk ka ende asnjë vaksinë për Covid-19 prandaj mënyra më e mirë për ta parandaluar atë është të mbani një maskë, të ruani distancën e nevojshme nga njerëzit e tjerë dhe të lani duart shpesh. Në fakt, të gjitha këto masa ofrojnë një avantazh të trefishtë dhe parandalohet transmetimi komunitar.
