Autoritetet shëndetësore në Kosovë, të enjten, kanë njoftuar edhe për gjashtë viktima të reja nga koronavirusi i ri.
Instituti i Shëndetësisë Publike (IKSHPK) ka njoftuar se numri i përgjithshëm i viktimave ka arritur në 498.
Gjatë 24 orëve, nga 534 mostra të testuara, pozitivë në koronavirus kanë dalë 141 pacientë.
Që nga muaji mars, në Kosovë, janë regjistruar si të infektuar gjithsej 12.981 pacientë.
Sipas IKSHPK-së, të shëruar nga sëmundja janë shënuar edhe 143 pacientë, duke e çuar numrin e përgjithshëm të të shëruarve në 9.085.
Raste aktive janë 3.398.
