Është gjetur i vdekur në banesën e tij 91 vjeçari në Vlorë. Burimet shpjegojnë se në trupin e tij ka shenja dhune.
Sipas njoftimit të policisë, “Trupi i viktimës është transportuar për në morg për ekspertizë mjeko- ligjore për të përcaktuar shkakun e vdekjes dhe shkakun e dëmtimeve të konstatuara paraprakisht në trupin e viktimës”.
Personi që u gjet i vdekur në banesën e tij është Seri Petanaj.
Burimet policore theksojnë se nuk dihet nëse ka qenë vrasje apo grabitje dhe keto duket se janë edhe pistat e hetimit te policisë
Njoftimi:
Vlorë
Në mesditën e sotme, në lagjen “4 Heronjtë” Vlorë, është gjetur i pajetë në banesën e tij shtetasi S. P., 91 vjeç, i cili jetonte vetëm në banesë.
Trupi i viktimës është transportuar për në morg për ekspertizë mjeko- ligjore për të përcaktuar shkakun e vdekjes dhe shkakun e dëmtimeve të konstatuara paraprakisht në trupin e viktimës.
Është ngritur një grup hetimor dhe nën drejtimin e Prokurorisë po vijojnë hetimet e mëtejshme në lidhje me zbardhjen dhe sqarimin e rrethanave të ngjarjes.
