Marinari shqiptar humbi jetën në një anije, në ujërat greke. Mësohet se viktima është Ndue Nikolli, 63-vjeç.
Ai ka ndërruar jetë pasi dyshohet se ka pësuar infarkt brenda anijes. Trupi i tij i pajetë ndodhet në Greqi, ku edhe do t’i nënshtrohet analizave të Covid.
Ekspertiza mjeko-ligjore ka bërë me dije paraprakisht se goditja në zemër ka qenë shkak për vdekjen e 63 vjeçarit.
Nikolli mësohet se kishte pesë ditë në anije, por u gjet i pajetë nga agjenti i anijes me flamur shqiptar “BERGFJORD”.
Anija me pjesën tjetër të ekuipazhit, pas ngjarjes, është nisur sot drejt Durrësit.
Shqiptari dyshohet se kishte rënë në tokë pa ndjenja në dhomën e motorëve të mjetit lundrues.
Më pas agjenti i anijes ka infomuar Autoritetin Qendror Portual të Amaliapolis. Ambulanca ka mbërritur për 7 minuta. Nikolli është transportuar më pas në spital, por pa mundur dot të mbijetonte.
