Një shpërthim ndodhi të hënën në mëngjes në anijen “Blue Horizon”, në portin e Heraklion, në Greqi.
Trageti i pasagjerëve u ankorua në port rreth orës 6 të mëngjesit ndërsa shpërthimi në dhomën e motorit u shënua pak para orës 10, për arsye të panjohur deri më tani, raportuan mediat greke.
Katër marinarë janë lënduar dhe janë dërguar në Spitalin Universitar të qytetit, ndërsa gjendja e njërit prej tyre raportohet se është e rëndë.
