“Alexei Navalny është helmuar”. Kështu deklaruan autoritetet gjermane pas publikimit të rezultateve të analizave të opozitarit rus, i cili u transferua të shtunën në Berlin nga spitali i Omsk.
44-vjeçari u sëmur rëndë gjatë një fluturimi për në Moskë. Sipas bashkëpunëtorëve të Navalny, kritik i njohur i presidentit rus Vladimir Putin, bëhet fjalë për një helmim edhe pse mjekët në Siberi pretendojnë se nuk kanë gjetur gjurmë të ndonjë substance toksike.
Zëdhënësi i qeverisë gjermane shton se vetëm mjekët dhe familjarët e Navalny mund të shpërndajnë lajme lidhur me shëndetit dhe çfarë mund të ketë ndodhur.
