Një ngjajre e rëndë ka ndodhur në mesnatë në Vlorë, ku një person ka mbetur i plagosur me armë dhe ndodhet në gjendje kritike për jetën.
Ngjarja ka ndodhur rreth orës 00:45 minuta të mëngjesit të sotëm në Fushë Mavrovë.
Sipas policisë, ka mbetur i plagosur 18-vjeçari me inicialet J. R., i cili është sjellë me urgjencë në Spitalin e Traumës në Tiranë pasi ndodhet në gjendje kritike.
Njoftimi i Policisë së Vlorës:
Më datë 23.08.2020, rreth orës 00:45, në një rrugë të fshatit Fushë Mavrovë, pas një konflikti për motive të dobëta shtetasi Q. M (L), 36 vjeç, banues në fshatin Kotë, dyshohet se ka plagosur me armë zjarri shtetasin J. R., 18 vjeç, banues në fshatin Fushë Mavrovë, cili aktualisht ndodhet në Spitalin e Traumës Tiranë, në gjendje të rëndë shëndetësore.
Nga ana e Policisë Vlorë, po punohet intensivisht për gjetjen dhe kapjen e shtetasit Q. M(L) si edhe për sqarimin e plotë të rrethanave të ngjarjes.
