Gjykata e Shkodrës ka vendosur masën e sigurisë ‘arrest me burg’ për 25-vjeçarin Indrit Bajraktari, i arrestuar për mbytjen e 17 vjeçares Enisa Doda.
Kujtojmë këtu se Indrit Bajraktari u vu në pranga nga policia pas vdekjes së 17-vjeçares Enisa Doda në plazhin e Velipojës. Të rinjtë kishin marrë me qera një motor uji për të hyrë në det.
Pak më vonë, e reja u gjet në breg nga disa peshkatarë ndërsa Bajraktari doli me not nga deti pa vajzën dhe motorin e ujit. Në dëshminë e tij, 25 vjeçari u shpreh se vajzën e kishte lënë në breg pranë xhaxhait.
Ndërkohë, e reja me origjinë nga Burreli që jetonte në Bathore kishte ardhur në pushime me familjen. Dyshohet se njohja e saj me Bajraktarin, i cili është emigrant në Londër por kishte ardhur për pushime u bë nëpërmjet rrjeteve sociale.
