Një mësuese angleze 32 vjeçare u dënua me 32 muaj burgim nën akuzë për marrëdhënie me të mitur. Dënimi nga gjykata erdhi pasi hetimi provoi fajësinë e të dyshuarës duke gjetur gjurmë ADN-je të 15 vjeçarit.
Keli Louis Smith, u dënua pasi u përfshi në akte intime me të miturin anglez, por nuk u ndal me kaq sepse i dha djalit për të konsumuar marijuanë, kokainë dhe alkool.
E pandehura pranoi në sallën e gjyqit se e kishte joshur adoleshentin, fillimisht duke i ofruar kujdes të veçantë dhe ëmbëlsira.
Por gjërat u rënduan kur ajo nisi t’i japë të voglit lëndët narkotike derisa marsin që shkoi e futi në një dhomë hoteli.
Ndonëse nënë e një fëmije, 32 vjeçarja nuk ngurroi të kryejë marrëdhënie me djalin ende të mitur.
Provë tjetër e fortë e prokurorisë ishte dhe kapja e të dyve në kamerat e hotelit, raporton noa.al duke cituar mediat londineze.
Në gjykatë ka folur edhe i mituri. Ai tha se aktet intime me 32 vjeçaren ishin me pëlqimin e të dyve. Ai madje theksoi se ajo kishte një fizik të bukur.
Gjykata çmoi se gruaja e shfrytëzoi të miturin për të shuar dëshirat e saj.
