Një adoleshente “e tmerruar” nga humbja e lirisë për shkak të izolimit nga koronavirusi, ka vrarë në mënyrë tragjike veten, raporton “The Sun”. Emily Owen, 19 vjeç, kishte frikë se izolimi nuk do ta lejonte të punonte dhe të dilte jashtë.
Familja e saj kishte vendosur të izolohej pak ditë para vdekjes, pasi njëra nga motrat e saj kishte kollë. Në mënyrë tragjike, Emily u gjet në gjendje të rëndë në shtëpi nga nëna dhe motra e saj, më 18 mars, pasi ishte vetëvarur.
Emily nuk arriti ta rimerrte veten dhe vdiq katër ditë më vonë, më 22 Mars.
Babai i saj, Timothy Oëen, tha se Emily kishte pasur probleme me shëndetin mendor dhe se ishte diagnostikuar me autizëm në vitin 2018.
Motra e Emily, Annabel Oëen, 21 vjeç, tha menjëherë pas vdekjes së saj: “Ajo nuk mund ta përballonte mbylljen dhe anullimin e planeve, si dhe të qëndruarit brenda. Kjo e tmerroi. ”
Prindërit, dy motrat dhe vëllai i saj, e përshkruanin Emily-n në një postim në Facebook si “vajzën dhe motrën tonë të bukur, gazmore, të talentuar dhe pak të çmendur”.
