Drejtoria e Përgjithshme e Çerdheve dhe Kopshteve ka njoftuar se në datat 1 deri në 11 shtator, do të kryhet procedura e aplikimit për regjistrim në kopshtet publike të bashkisë Tiranë.
Specialistët e Drejtorisë së Përgjithshme kanë sqaruar se aplikimi do të kryhet pranë kopshtit ku synohet të regjistrohet fëmija.
“Në datat 01 – 11 Shtator 2020, ora 09:00 – 14:00, do të kryhet procedura e aplikimit për regjistrim në kopshtet publike të bashkisë Tiranë”, informon zyrtarisht Drejtoria e Përgjithshme e Çerdheve dhe Kopshteve.
“Ju lutemi, formularin bashkëngjitur plotësojeni përpara dhe dorëzojeni tek komisioni me dokumentacionin e kërkuar. Për të evituar kohën fizike të qëndrimit në kopsht si dhe për të evituar kontaktet me shumë njerëz . Pika 4 e formularit do të plotësohet nga Komisioni i ngritur për shqyrtimin e aplikimeve”, sqaron ndër të tjera Drejtoria e Përgjithshme e Çerdheve dhe Kopshteve.
