Dy automjete janë përplasur në afërsi të Mbikalimit të Rinasit. Raportohet se ngjarja ka ndodhur rreth orës 20:20.
Në aksident është përfshirë drejtuesi i mjetit E.S si dhe S.K., që drejtonte automjetin tjetër.
Për pasojë të plagosur kanë mbetur dy pasagjerë që ndodheshin në mjetin që drejtohej nga E.S.
Njoftimi i Policisë:
Me datë 19.08.2020, rreth orës 20:20, në afërsi të Mbikalimit të Rinasit, janë përfshirë në aksident mjeti me drejtues shtetasin E.S me mjetin me drejtues shtetasin S.K. Si pasojë e aksidentit janë dëmtuar dy pasagjerë në mjetin me drejtues E.S., të cilët u dërguan në spital, dhe ndodhen nën kujdesin e mjekëve.
Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e plotë të rrethanave të ngjarjes.
