Alfred Koçi, muzikant dhe pjesë e stafit të zyrës Arsimore të Tiranës, është ndarë nga jeta, pas infektimit me COVID-19. Lajmi është bërë i ditur nga kolegë dhe miq të tij në rrjetet sociale.
Selman Hodaj, Drejtor i Arsimit Parauniversitar në Ministrinë e Arsimit, në një reagim në rrjetet sociale, bën me dije se 40-vjeçari pak kohë më parë, humbi dhe të ëmën.
“Cfare trishtimi. Te kishim djalin e papertuar, gojeembel, te qeshur, plot edukate e miresi. Nuk e fitove dot betejen me Coronen, madje ajo nuk kurseu as nenen tende. U perpoqa te jap zemer, por nuk munda dot me shume pasi zemra jote pushoi se rrahuri dhe nuk te kurseu ne moshen 40-vjecare. Lamtumire i dashur Alfred Koci! Arsimi dhe Zyra e Tiranes, sot perjetojne nje dhimbje pa kufi. Mbase enderrat e tua per muziken do i vazhdosh ne parajse. Do kaloj sigurisht te vizitoj vendin ku do te prehesh përjetësisht”, shkruan Hodaj.
