Eurodeputetja shqiptare e cila përfaqëson Suedinë në PE, Arba Kokalari, është emëruar nga grupi i saj parlamentar si përgjegjëse për çështjet Artikut.
Në një postim në rrjete sociale ajo shkruan se një nga çështjet problematike të Arktikut është shkrirja e akujve.
Kokalari thotë se mezi pret të fillojë në pozicionin e rëndësishëm për të ndihmuar edhe Suedinë, vendin që ajo përfaqëson në Parlamentin Europian.
Në postin e ri Kokalari do të haset edhe me tensione për konflikte ushtarake, të cilat duhet t’i zgjidhë të parat e për të bashkpunuar për ruajtjen e akujve në Artik.
Arba Kokalari shkruan:
Unë jam emëruar në përgjegjësin e grupit tim për çështjet e Arktikut dhe do të zhvilloj politikat tona dhe do të negocioj një raport për mundësitë dhe sfidat e sigurisë në Arktik. Akujt e detit shkrin dhe ka pak vende ku ndryshimi i klimës ka po aq efekt sa këtu. Ndryshimi i mjedisit Arktik ka çuar në rritjen e aktiviteteve në rajon, konkurrencën për nxjerrjen e burimeve natyrore dhe rrezikun më të lartë të tensionit apo konfliktit ushtarak. Ne kemi nevojë për më shumë për bashkëpunim ndërkombëtar në fushë. Mezi pres të punoj për këto çështje, të cilat janë të rëndësishme edhe për Suedinë si vend Arktik!
