Tre emigrantë të mitur, dy shqiptarë dhe një egjiptian, u arrestuan për përdhunimin e një vajze 15-vjeçare italiane. Vajza njohu vetëm dy, prej tyre, sipas hetuesve.
Sipas asaj që doli nga hetimet, njëri prej tyre ftoi dy të tjerët të abuzojnë seksualisht me vajzën. Djali i tretë, shqiptari, i vetmi që që nuk u njoh nga 15-vjeçarja, ndryshe nga të dy të tjerët që mbetën në qeli, iu dorëzua një qendre riedukimi.
Shqiptari më i vogël në moshë duket se nuk ka marrë pjesë aktive në dhunë por, siç theksoi prokuori, akuzohet sepse, “nëse nuk mori pjesë, dinte cilat ishin qëllimet e miqve të tij”.
Sipas raportimeve të La Verità, ka qenë 17-vjeçari egjiptian, me akuza të mëparshme për krime kundër pasurisë dhe ndaj personit, që do të nisej me 15-vjeçaren në plazh.
Ai dhe vajza italiane ishin takuar gjatë një feste. Egjiptiani më pas i kërkoi të shoqëronte vajzën në shtëpi dhe, kur arritën në një vend të izoluar dhe të errët, ai shfrytëzoi situatën për të abuzuar. Para se të shoqëronte vajzën, ai do të thërriste një mikun e tij shqiptar, i cili shkoi i shoqëruar nga një bashkatdhetar tjetër. I treti do të vepronte si roje, gjatë kohës së përdhunimit të vajzës, nga dy të tjerët. Viktima bërtiste aq sa të mund të dëgjohej nga miqtë që kishte lënë pas, atë mbrëmje, apo të tjerë që mund të gjendeshin rrotull, para se të ikte me të huajin. Të tre sulmuesit pas përdhunimit dhe u larguan.
Identiktet e dhëna nga vajza bënë që policia të kishte një përshkrim të pjesshëm të tre të arratisurve, shoqëruar nga detaje të rëndësishme, të tilla si “piercing” apo edhe prerja e flokëve. Përvetësimi i kamerave të regjistruara nga disa dyqane në zonë bënë të mundur identifikimin e tre autorëve të sulmit. Nga ajo që u rikonstruktua, djemtë, edhe ata të mituri në moshë, erdhën nga Lombardia dhe kishin mbërritur në Lignano një ditë para dhunës. Pas arrestimeve të tyre, egjiptiani tha se nuk kishte lidhje me akuzat, ndonëse ato korrespondonin në mënyrë të përsosur me përshkrimin e dhënë nga dëshmitarët për hetuesit. Miqtë e tij, dy shqiptarët, preferuan të mos flisnin duke heshtur pas akuzave.
Ngjarja ka provokuar reagime të shumta në zonë, nga autoritetet më të larta.
“Nge të tillë persona, nëse nuk veprohet në kohë, edhe bashkëmoshatarët e vajzës së përdhunuar, rrezikojnë të bëhen viktimat e ardhshme”, tha kryebashkiaku i zonës.
Në Tëitter, udhëheqësi i Lega, Matteo Salvini postoi një koment mbi ngjarjen: “Tre të mitur të huaj, mysafirë (me shpenzimet tona) jetojnë në një qendër të Milanos dhe shkojnë me pushime (me shpenzimet tona) në Lignano. Ndalohen për sulme seksuale ndaj një vajze të re”. Ai kërkoi masa më të ashpra ndaj emigrantëve.
