Organizata Botërore e Shëndetit thotë se planeti nuk është aspak afër imunitetit të nevojshëm ndaj koronavirusit, aq sa për të arritur imunitetin e tufës, ku njerëzit do të kishin më shumë antitrupa për të ndaluar përhapjen.
Imuniteti i tufës arrihet në mënyrë tipike me vaksinim dhe shumica e shkencëtarëve vlerësojnë se të paktën 70% e popullatës duhet të ketë antitrupa për të parandaluar një shpërthim.
Por disa ekspertë kanë sugjeruar që edhe nëse gjysma e popullsisë ka imunitet, mund të ketë një efekt mbrojtës.
Shefi i urgjencave të OBSH-së, Dr.Michael Ryan e hodhi poshtë këtë teori në një konferencë për shtyp të martën, duke thënë se ne nuk duhet të jetojmë me shpresë për të arritur imunitetin e tufës.
“Si popullatë globale, ne nuk jemi aspak afër niveleve të imunitetit të nevojshëm për të ndaluar transmetimin e kësaj sëmundje. Kjo nuk është një zgjidhje. Nuk është as zgjidhja që duhet të kërkojmë.”, tha Ryan.
Shumica e studimeve të kryera deri më tani kanë sugjeruar vetëm rreth 10% deri në 20% të njerëzve kanë antitrupa.
Dr. Bruce Aylëard, një këshilltar i lartë i drejtorit të përgjithshëm të OBSH-së, shtoi se çdo fushatë imunizimi masiv me një vaksinë COVID-19 do të synonte të mbulonte shumë më shumë se 50% të popullsisë së botës.
