Qëllimi kryesor i Juventusit në merkaton e transferimit është largimi i të padëshiruarve në skuadër.
Dy prej lojtarëve me valixhe gati janë Daniele Rugani dhe Mattia De Sciglio. Të dy janë në shitje dhe, sipas “Tuttosport”, Valencia është në gjurmët e tyre. Madje, tashmë ka filluar kontaktet e para me “Zonjën e Vjetër” për të gjetur një marrëveshje ekonomike.
Në Spanjë flitet gjithashtu për mundësinë e një shkëmbimi me Maxi Gomez. Si Rugani, edhe De Sciglio do të kishin më shumë mundësi për të luajtur si titullarë te skuadra spanjolle, çka nuk është gjë e vogël nëse konsiderojmë se Kampionati Europian do të zhvillohet në pak më pak se një vit dhe ata duan të jenë pjesë e Italisë.
