Që prej pesë muajsh pandemia e Covid-19 ka bërë që jeta e secilit prej nesh të ndryshojë. Kjo pasi e gjithë bota u izolua dhe shumë nga sjelljet tona gjatë kohës që ishim të mbyllur ndryshoi. Ndërkohë që ishim në karantinë shumë persona u bën konsumues të tepërtë të alkoolit. Ky është përfundmi që ka nxjerrë një studim i bërë së fundmi nga shkencëtarët britanikë.
Studimi i ri tregon se miliona britanikë janë duke konsumuar më shumë pije alkoolike që nga nisja e masave shtrënguese duke rritur kështu frikën se do jetë shumë e vështirë për të hequr dorë nga ky zakon.
“Drinkaware” zbulon se 22% e personave mbi 18-vjeç kanë rritur konsumimin e tyre të alkoolit. Por kjo shifër rritet në 38% për ata që ndodhen me leje dhe 33% tek prindërit me të paktën 1 fëmijë nën 18- vjeç.
Sipas studimit konusmuesit e pijes shprehen se alkooli largon mërzinë dhe ankthin. Te personat që konsumojmë më shumë se zakonisht, 38% e tyre po pinë në më shumë ditë, ndërsa 19% e nisin ditën me një pije alkoolike më herët.
