Ndue Ndoci, kreu i PS në njësinë numër 11 në Tiranë është ndarë nga jeta.
Lajmi është konfirmuar nga miqtë dhe kolegët e tij, të cilët kanë shprehur ngushëllime dhe keqardhje për ndarjen e parakohshme të Ndocit nga jeta. Në postimet e tyre në rrjetet sociale, bëhet me dije se Ndoci ishte prekur nga COVID-19.
Mes personave që kanë shprehur ngushëllime është dhe deputeti i PS-së Ulsi Manja.
“Ikja e parakohshme e mikut dhe shokut tone Ndue Ndoci ishte nje lajm i trishtueshem per te gjithe ne qe e njohem, jetuam dhe punuam me te. I shpreh ngushellimet me te perzemerta familjes! U prehsh ne paqe mik i shtrenjte Ndue Ndoci”, shkruan Manja në një postim në FB.
Fotografi dhe kameramani Agim Rama bën me dije se Ndoci ishte prekur nga koronavirusi.
“LAJM I ZI: Nuk qe e thene qe te vazhdonim te pinim kafe si tre miq te vjeter Ndue Ndoci! Zoti te donte prane tij pa degjuar lutjet tona qe te dilje fitimtar ndaj Covid-19! Dyert e parajses qofshin te hapura per ty miku im!”, shkruan ai.
Në bilancin e një dite më parë, Ministria e Shëndetësisë bëri me dije se që nga fillimi i pandemisë, 219 persona e kanë humbur betejën me virusin. Ndërkohë, numri i të infektuarve aktivë është rritur në 7117.
