Me qindra qytetarë kanë mbetur të bllokuar dje me orë të tëra në pikën kufitare të Kakavijës, pas shtrëngimit të masave ndaj koronavirusit nga Greqia.
“BalkanWeb” ka publikuar pamje nga një episod i dhimbshëm, ku shihet një nënë me fëmijën e saj të sëmurë, e cila nuk lejohet nga policia të kalojë kufirin.
Në video shihet momenti kur nëna e revoltuar, pas pritjes së gjatë, nxjerr fëmijën e saj tetraplegjik nga makina dhe e ul në tokë, në mes të rrugës.
Në këtë moment, policia i hap rrugën për të kaluar, pasi fëmija kishte nevojë për trajtim mjekësor. Siç raportohet, fëmija i sëmurë kishte nevojë për trajtim në spital.
/BalkanWeb/
