Një 30-vjeçar është gjetur i mbytur pasditen e sotme në Durrës. Burime për mediat bëjnë me dije se i riu u gjet rreth 100 m në det ndërsa identiteti i tij ende nuk bëhet me dije.
Policia raporton se nga këqyrja paraprake e viktimës, nuk janë konstatuar shenja dhune ndërkohë grupi hetimor ndodhet në vendngjarje për të zbardhur shkaqet e mbytjes së 30-vjeçarit.
Saktësisht ngjarja ka ndodhur në vendin e quajtur ‘Portoromano’.
Njoftimi i Policisë:
Më datë 15.08.2020, rreth orës 16:30, në lagjen nr.15, Durrës, në vendin e quajtur “Portoromano”, rreth 100 m në det, është gjetur i mbytur një shtetas i seksit mashkull rreth 30 vjeç, ende i paidentifikuar.
Nga kqyrja paraprake nuk konstatohen shenja dhune.
Grupi hetimor ndodhet në vendngjarje dhe po punon për zbardhjen e ngjarjes.
