Kryeministri Edi Rama ka reaguar sërish lidhur situatën në Kakavijë, pasi më herët propagandoi se autoritetet shtetërore po përkujdesjen për qytetarët, në pritje prej ditësh për të kaluar në shtetin fqinjë.
Në një shënim të gjatë në FB, Rama konfirmon se autoritet shqiptare janë të pafuqishme ndaj rregullave të vendosura nga autoritetet greke.
“Çfarë mund të bëjmë ne, qeveria dhe shteti shqiptar në këto kushte, kur e përsëris, ky është një rregull i përgjithshëm i shtetit grek, që prek edhe vetë grekët që kthehen në Greqi”!
Rama përdori dhe justifikimin tanimë të famshëm të “alla Rilindas”: “këto ndodhin edhe nëpër botë”.
“Dje për shembull, pika e kalimit në portin e Doverit në Britani ishte në kolaps të plotë dhe në radhë rrinin britanikët për t’u kthyer në shtëpi nga Franca, që t’i shpëtonin rregullit të sapovendosur të karantinës së detyrueshme. Plot gjysëm milioni turistë britanikë në një rendje marramendëse drejt shtëpisë! Kjo është koha e mallkuar që po jetojmë, ku normaliteti me të cilin jemi mësuar një jetë, ia ka lënë vendin imponimit të disa rregullave të pamendueshme deri dje, si edhe konfuzionit në mënyrën se kur e si vendosen, duke bërë që edhe shtete të vetë BE-së, të kenë rregulla të ndryshme nga njëri-tjetri, duke trajtuar në mënyrë të diferencuar njëri-tjetrin”, shkruan kryeministri.
Reagimi i kreut të qeverisë është shoqëruar me komente të shumta të qytetarëve. Shumë syresh nuk dakortësohen me qëndrimin e kryeministrit dhe shprehen se ndihen të braktisur nga shteti.
“Nuk jemi kafshë, por jemi njerëz”, komenton një qytetar.
“Ty kësaj radhe të ka ikur nga duart situata, në Kakavi në rastin konkret, ishte shumë i vonuar vajtja e ministres atje, të paktën prania, unë jam emigrant i kthyer nga Greqia…, shkruan një tjetër.
