Lewis Hamilton me Mercedes siguroi sot pasdite “pole position” në pistën spanjolle të Montmelo (Barcelonë), të vlefshme për garën e Çmimit të Madh të Spanjës në Formula 1, gara e gjashtë sezonale.
Piloti britanik dha kohën 1’15”584, duke lënë pas shokun e tij të skuadrës, finlandezin Valtteri Bottas.
I treti u kualifikua holandezi Max Verstappen me Red Bull, që në vijën e dytë të nisjes do të jetë së bashku me meksikanin e Racing Point, Sergio Perez. Zhgënjen Ferrari, në vendin e 9-të me Charles Leclerc, ndërkohë Vettel starton i 11-ti teksa nuk mundi të kualifikohej as në sesionin e tretë të provave.
