Një moment frikshëm dhe i pazakontë është filmuar në Florida, SHBA, ku një rrufe godet papritur një palmë, pavarësisht motit me diell dhe qiellit të kthjellët.
Pamjet u kapën nga një kamera brenda një makine, ndërsa ndodhej vetëm 22 m larg. Fillimisht para se të bjerë rrufeja dëgjohet një zhurmë e fortë dhe më pas godet majën e pemës.
Personi qe kapi pamjet u shpreh se kjo mund të shërbejë për të gjithë që të jenë të kujdesshëm dhe vigjilentë. Gadishulli qendror i Florida-s ka përqendrimin më të lartë të rrufeve në SHBA, njoftoi NBC, duke cituar Shërbimin Kombëtar të Motit.
Sezoni i rrufesë kulmore në gadishull ndodh midis majit dhe tetorit, nga mesdita deri në mesnatë. Në vitin 2019, 27 njerëz u vranë nga rrufeja në SHBA dhe 243 të tjerë u plagosën, ndërsa këtë vit kanë humbur jetën 12 persona.
