Një nënë e re në moshë, e cila ka sjellë në jetë fëmijën e saj te materniteti “Koco Gliozheni” në Tiranë, ishte e infektuar me koronavirus.
Fëmija mësohet se ka ardhur në jetë shëndoshë e mirë. Sikundër raportohet, nëna dhe fëmija kanë lënë spitalin dhe janë shëndoshë e mirë, në gjendje të stabilizuar shëndetësore.
Ditën që ka lënë spitalin, foshnja ka rezultuar negativ në testin ndaj koronavirusit.
Gjatë ditës së sotme Ministria e Shëndetësisë deklaroi se janë kryer 639 testime për të dyshuar si të prekur nga Còvid 19, ndërsa 146 persona janë konfirmuar pozitivë.
Shpërndarja gjeografike e rasteve pozitive ditore është si vijon: 76 raste në Tiranë, 23 në Krujë, 11 në Fier, 7 në Durrës, 6 në Kukës, 5 në Elbasan, 4 në Shkodër, nga 2 raste në Kurbin, Lezhë, Kamëz, Malësi e Madhe, nga 1 rast Has, Kavajë, Lushnje, Pukë, Tepelenë, Bulqizë.
