Laçi ka nënshkruar me qendërmbrojtësin Renato Malota. Detajet e marrëveshjes nuk bëhen të ditura ndërsa nga nesër lezhjani do të vihet nën urdhrat e trajnerit Armando Cungu.
“Renato Malota zyrtarisht firmos me KF Laçi. I urojmë suksese të mëtejshme në karrierë. Nga nesër fillon normalisht stërvitjen me skuadrën . Mire se vjen”, shkruan klubi kurbinas në rrjetet sociale.
Në të shkuarën 31-vjeçari është aktivizuar me Partizanin 2008-09, 2016-17, Kukësin (2012-16) Dinamon 2009-12, ndërsa te Vllaznia ka luajtur në 2.5 vitet e fundit.
