Blaise Matuidi, pas largimit nga Juventusi ditën e djeshme, ka nënshkruar në MLS me Inter Miami. Diçka e pritshme,pasi përflitej prej ditësh për këtë kalim.
Për këtë transferim ka folur edhe presidenti I klubit amerikan, David Beckham. Anglezi e njeh mirë Matuidi, pasi ka luajtur me të në Francë te PSG.
“Nuk mund të isha më i lumtur që të mirëprisja mikun tim Blais tek Inter Miami. Ai është një lojtar dhe njeri i shkëlqyer.
Të kesh një fitues të Kupës së Botës dhe një lojtar me cilësitë e Blaise, për ne si pronarë dhe për fansat është një krenari. Është shume e veçantë edhe për mua, që të bashkohet në këtë klub një ish-shok skuadre. Mezi pres t’i uroj mirëseardhjen atij dhe familjes së tij të bukur në Florida”, ka deklaruar Beckham mes të tjerash
