Ish-Kryeministri Sali Berisha i është kundërpërgjigjur pretendimeve të fundit ironike të Kryeministrit Edi Rama, sipas të cilit “të gjitha investimet tona publike, qoftë në rrugët kombëtare e qoftë në ato rurale, bazohen në standarte europiane sipas kategorive të tyre dhe kryhen mbi bazë projektesh e me një cilësi që s’ka të krahasuar me kohën e “rrugëve të lëna rrugëve”.
Por, Berisha ka përmbledhur në një video, një panoramë të infrastrukturës së re rrugore që fitoi vendi në vitet e qeverisjes së Partisë Demokratike: në total 11 mijë km rrugë të reja përkundër 22 km të vetme që ka ndërtuar qeveria Rama në të dy mandatet e saj.
“Nga mbi 11 000 km rrugë në tetë vitet 2005 – 2013, në vetëm 22 km rrugë në shtatë vitet 2013 – 2020 nga Edvin PPP. Sipas dëshirës, mund të ndiqni videon e mëposhtme”, shkruan Berisha.
