Themeluesi dhe Drejtori i Institutit për Hulumtime “Scripps”, Eric Topol, i cili është edhe profesor i mjekësisë molekulare, në llogarinë e tij zyrtare në twitter ka publikuar një tabelë në të cilën janë paraqitur të dhënat për rastet e vdekjeve nga COVID-19 nëpër botë.
Sipas tabelës, Kosova renditet e para për raste të vdekjeve nga COVID-19 për 1 milion banorë, e ndjekur nga Peru, Bolivia, Meksika dhe Panamaja.
Kosova për numrin e vdekjeve në 1 milion banorë e ka lënë prapa edhe Amerikën e cila renditet në vendin e 9-të.
Në tabelën e publikuar nga profesori amerikan janë të dhënat deri në datën 11 gusht 2020.
Që nga fillimi i pandemisë në Kosovë kanë vdekur gjithsejtë 365 persona.
Numri total i personave të infektuar është 10 mijë e 795 nga 42 mijë e 136 që janë testuar.
Sipas të dhënave të IKSHP-së, deri më 12 gusht janë shëruar 6 mijë e 411 persona, teksa mbeten aktiv edhe 4 mijë e 19.
