Përfundon zyrtarisht bashkëpunimi mes Juventusit dhe francezit Blaise Matuidi. Klubi I Juventusit ka konfirmuar largimin e francezit Blaise Matuidi nga bardhezinjtë.
Lajmi qarkullonte prej disa ditësh, por tani është edhe zyrtare. Francezi iu bashkua Juventusit në vitin 2017, pas një përvoje te PSG.
Matuidi, gjatë tri sezoneve në Torino, provoi të ishte një element thelbësor si për Massimiliano Allegrin ashtu edhe për Maurizio Sarrin.
Vetëm sezonin e kaluar ai bëri 35 paraqitje në Serinë A, të cilave duhet t’u shtohen edhe 5 të tjera në Ligën e Kampionëve, 4 në Kupën e Italisë dhe 1 në Superkupën e Italisë.
Matuidi pritet të transferohet në kampionatin amerikan të futbollit, MLS, me skuadrën e Inter Miamit.
