Detaje të reja zbardhen nga arrestimi i Ilir Berberi, i njohur ndryshe në Pogradec si “Lili i Rrushkës”, aksion në të cilin morën pjesë dhe forca speciale të policisë.
Ai akuzohet mes të tjerash për të shtënat ndaj hotelit në Tushemisht mëngjesin e 8 Gusht. Në pranga janë vënë dhe 3 persona të tjerë, si bashkëpunëtorë të tij në ngjarje kriminale.
Operacioni
Burime zyrtare nga policia bënë me dije se operacioni i koduar i koduar “Driloni”, u realizua nga strukturat e DVP Korçë dhe forcat Renea, në bashkëpunim me shërbimet e Komisariatit Pogradec, nën drejtimin e Prokurorisë të Rrethit Gjyqësor Pogradec.
Gjatë operacionit, në pyllin e fshatit Vërdovë, Pogradec, në një çadër që kishte ngritur enkas për t’u strehuar, Policia kapi organizatorin e këtyre ngjarjeve – Ilir Berberin, person me precedent të theksuar kriminal, i cili mbante dhe armë zjarri pistoletë me vete.
Gjithashtu u arrestuan edhe 3 bashkëpunëtorë të tjerë të implikuar.
Dy ditë më parë u vu në pranga edhe një bashkëpunëtor tjetër.
Gjatë aksionit iu sekuestrua një armë zjarri tip pistoletë, municion luftarak dhe rrobat e përdorura për të drejtuar motomjetin gjatë kryerjes së këtyre ngjarjeve.
https://www.facebook.com/policiashtetitshqiptar/videos/304874360781642/
Arrestimet
Në pranga u vunë:
- Ilir Berberi, 52 vjeç, banues në Pogradec (me precedent të mëparshëm penal në fushën e krimeve kundër personit, pronës dhe sigurisë publike).
- Ilir Meçolli., 29 vjeç, Ardian Xhuti, 29 vjeç, banues në Zvezdë, Maliq dhe Elvir Haxhia, 32 vjeç, banues në Pojan, Maliq (i dënuar më parë për veprën penale “Vjedhja”).
Ndaj Ilir Berberit, Gjykata e Rrethit Gjyqësor Pogradec ka vendosur masën e sigurisë “Arrest në burg”, për veprat penale “Kanosja për të mos kallëzuar”, “Kundërshtimi i punonjësit të policisë së rendit publik”, “Kundërshtimi i punonjësit që kryen një detyrë shtetërore ose një shërbim publik”, “Prishja e qetësisë publike” kryer në bashkëpunim”, për ngjarjen e ndodhur më datë 10 Shkurt 2020, në lagjen nr. 3 përpara Gjykatës së Shkallës së Parë Pogradec, ku në bashkëpunim me shtetas të tjerë, 52-vjeçari ka kanosur pronarin e hotelit për të mos dëshmuar në një seancë gjyqësore, si edhe kanë kundërshtuar punonjësit e policisë dhe IEVP gjatë kryerjes së detyrës.
Gjithashtu ky shtetas dyshohet të ketë rolin e organizatorit të ngjarjeve të ndodhura pranë hotelit, ku në bashkëpunim me tre personat e mësipërm dhe disa të tjerë, kanë kanosur me armë zjarri shtetasin Jetmir Muçllari, si edhe kanë qëlluar me armë zjarri në drejtim të hotelit, duke i shkaktuar dëme materiale godinës dhe 7 mjeteve të parkuara.
Gjatë operacionit, Ilir Berberit iu gjet e sekuestrua në cilësinë e provës një armë zjarri tip pistoletë dhe 59 fishekë që i posedonte pa leje.
“Po vijojnë hetimet për dokumentimin e plotë të ngjarjes dhe vënien përpara përgjegjësisë ligjore të personave të tjerë të dyshuar si të implikuar në këto ngjarje”, njofton policia, ndërsa shton se materialet në ngarkim të tyre i kaluan Prokurorisë Pranë Gjykatës së Shkallës së Parë Pogradec.
