Forcat speciale RENEA prej pasdites së djeshme kanë nisur një operacion, bashkë me policinë e Elbasanit, për kapjen e Talo Çelës, një prej personave më të kërkuar në vend.
Operacioni vijon të zhvillohet në Peqin, më konkretisht pranë burgut, ku dyshohet se fshihet Talo Çela.
Ai dyshohet lidhur me grabitjen e Rinasit si dhe vrasjen e dy vëllezërve Haxhia, e ndodhur pak muaj më parë në qytetin e Durrësit, raporton Faxweb.
Operacioni që po zhvillohet për kapjen e tij është i katërti, pasi tre të parët kanë dështuar.
Dje u raportua se gjatë operacionit ka pasur dhe të shtëna me armë, ndërsa policia nuk ka dhënë asnjë njoftim zyrtar.
Talo Çela në një intervistë që ka dhënë për mediat nga arratia, ka thënë se nuk ka asnjë lidhje me dy ngjarjet për të cilat kërkohet, dhe se me vëllezërit Haxhia kishte marrëdhënie shumë të mira miqësore dhe familjare.
