Shtyhet sërish afati i dorëzimit të dokumentave për kreditë e buta në Tiranë.
Këshilli Bashkiak ka vendosur shtyrjen e afatit të dorëzimit të dokumentacionit për fazën e dytë të kredisë së butë deri më 9 shtator.
“Këshilli Bashkiak ka miratuar vendimin për shtyrjen e afatit të dorëzimit të dokumentacionit për fazën e dytë, për programin ‘Subvencionimi i interesave të kredisë’, financuar nga buxheti i shtetit. Afati për aplikim sipas kësaj thirrje, për fazën e dytë fillon me datën 11 gusht dhe përfundon në datën 9 shtator”, informon bashkia e Tiranës.
Kjo është thirrja e tretë për të përfituar nga kredia e butë ndërkohë që fazën e parë e kaluan 2 mijë aplikantë ku përfitues, sipas bashkisë, do të jenë 1 mijë familje.
