Pas Kristijan Toshevskit, skuadra e tiranës ka arritur t’i “rrëmbejë” Vardarit një tjetër futbollist.
Bëhet fjalë për mesfushorin me tipare mbrojtëse, Filip Najdvoski, i cili ka firmosur me bardheblutë dhe i është bashkuar ekipit në Pogradec.
27-vjeçari mësohet se ka nënshkruar një kontratë 2-vjeçare.
“Filip Najdovski vishet bardheblu! Klubi i Futbollit Tirana njofton afrimin e lojtarit Filip Najdovski. Mesfushori me tipare mbrojtëse ka arritur dakordësinë dhe pas kryerjes së gjithë analizave të nevojshme është tashmë pjesë e bardhebluve për sezonin e ri.
27-vjeçari i është bashkuar sot skuadrës në Pogradec ku po zhvillohet faza përgatitore. I urojmë suksese me fanellën e re”, shkruhet në njoftimin e Tiranës.
Të dy ish-futbollistët e Vardar, tashmë nën urdhrat e Egbo-së në kryeqytetin shqiptar, u shpallë kampionë të kampionatit maqedonas me Vardarin.
