Sonte nisin përballjet në kuadrin e çerekfinaleve në Champions League. “Final Eight” me ndeshje teke, do të startojë me duelin Atalanta-PSG, që nis në orën 21:00 në “Estadio da Luz” të Lisbonës.
Atalanta është e vetmja skuadër italiane që ka mbetur në garë dhe do të tentojë kalimin në gjysmëfinale, aty ku nuk ka shkuar kurrë më parë. Të njëjtin objektiv kanë edhe kampionët e Francës.
Ekipi që siguron kualifikimin sonte do të ndeshet me fituesin e çiftit Atletico Madrid-Leipzig për një biletë në finalen e madhe. Portieri Gollini dhe Josip Ilicic janë mungesat e Atalantës, ndërsa Verrati (i dëmtuar) dhe Di Maria (i pezulluar) janë mungesat për kampionët e Francës.
Në dyshim është edhe Kylian Mbappe, por ylli i sulmit do të jetë në pankinë dhe mund të aktivizohet gjatë ndeshjes.
Berat Djimsiti do e nisë si titullar dhe do të ketë detyrën e vështirë të frenoje Neymar dhe Mauro Icardin.
Formacionet e mundshme
ATALANTA (3-4-2-1): Sportiello; Toloi, Caldara, Djimsiti; Hateboer, De Roon, Freuler, Gosens; Malinovskyi, Gomez; Zapata. Trajner: Gasperini
PSG (4-3-3): Navas; Kehrer, Thiago Silva, Marquinhos, Bakker; Gueye, Paredes, Herrera; Sarabia, Icardi, Neymar. Trajner: Tuchel
