Kosovës i janë shtuar edhe 11 raste të vdekjeve nga COVID-19.
Trendi i shifrave të larta të vdekjeve, krahasuar me numrin e popullsisë, po vazhdon prej disa javësh, përkundër masave kundër pandemisë të ndërmarra nga institucionet e Kosovës, siç është ndalimi i tubimeve, mbajtja e maskës dhe distancës fizike si dhe një kufizim i lëvizjes në disa komuna.
Numri i përgjithshëm i viktimave që nga muaji mars ka arritur në 365.
Instituti Kombëtar i Shendetësisë Publike (IKSHPK ) ka njoftuar se gjatë 24 orëve ka testuar 521 mostra dhe si rezultat 205 persona kanë dalë të infektuar me koronavirusin e ri, duke e çuar numrin e përgjithshëm në 10.795.
Gjatë 24 orëve, sipas IKSHPK-së, janë shëruar 163 pacientë. Deri më tani, nga sëmundja janë shëruar 6.411 persona.
Raste aktive në Kosovë, aktualisht janë 4.019.
