Pedagogu i Universitetit Politeknik, Klement Qerimi, ka humbur betejën me koronavirusin. Ai është ndarë nga jeta në moshën 47-vjeçare, duke lënë pas bashkëshorten dhe dy fëmijë.
Lajmin e kanë dhënë miqtë e tij në rrjetet sociale të cilët shprehin hidhërim për ndarjen e tij nga jeta në moshë të re.
Ata thonë se Qerimi ishte futur në intubim ditën e djeshme në një prej spitaleve COVID, por nuk ia doli dot duke mbyllur sytë përgjithmonë këtë të hënë.
Në tërmetin e 26 nëntorit, Qerimi humbi shikimin, pasi u shpreh se teksa po dilte nga banesa mobiliet i kishin rënë në retinën e syrit të djathtë.
Qerimi ishte një nga studentët e lëvizjes studentore Dhjetor ´90.
